KBF TREPÇA - KBF KASTRIOTI
KBF Trepça me rekord sezonal
29 January, 2022 @16:33
Skuadra e femrave të Trepçës, me lehtësi e mposhti Kastriotin me rezultat të thellë 139-41.
Nga minuta e parë e deri në fund epërsi ishte te skuadra mitrovicase, derisa me 139 pikë, ishte shifra më e lartë e shënuar e stinorit për Trepçën.
Basketbollista amerikane Ta’Sharra Jeffries, shkëlqeu në këtë ndeshje me quadruple-double (dyshifror të katërfishtë) prej 54 pikëve, 15 topa të rrëmbyer, 13 asistime dhe 12 kërcimeve.
Jeffries për herë të dytë në këtë stinor ka regjistruar quadruple-double, derisa për herë të parë në histori të Ligës së Femrave një basketbolliste i arriti këto shifra të përsëris dy herë.
Performancë të mirë te skuadra mitrovicase treguan edhe Alma Muzliukaj me 33 pikë e 11 kërcime dhe Kelly Santos me 23 pikë e 13 kërcime.
Te Kastrioti u dallua Anita Grainca me 16 pikë e 14 kërcime.
Trepça me 4 fitore e 9 humbje gjendet në pozitën e katërt, kurse Kastrioti është ende pa fitore (0 fitore - 13 humbje).
Performanca e Jeffries ishte dyshifrori katërfisht i pestë në histori të Ligës së Femrave. Më herët me këto shifra luajtën edhe Era Shatri, Diellza Dekaj dhe Marigona Rushiti.