Kosova i nis parakualifikimet me humbje

Përfaqësuesja e Kosovës në basketboll, sot pësoi humbje nga Luksemburgu me rezultat 88-80, në kuadër të parakualifikimeve për Eurobasket 2021.

Ndeshja ishte e barabartë deri në çerekun e fundit, kurse dallimi u bë në 10 minutëshin e fundit, ku djelmoshat e trajnerit Damir Mulaomerovic dështuan ndaj kundërshtarëve dhe e regjistruan humbjen e parë në grup.

Dardan Berisha ishte më i miri te Kosova me 23 pikë e 5 kërcime, derisa u ndihmua edhe nga Divine Myles me 19 pikë, Mikaile Tmusic me 16 pikë dhe Drilon Hajrizi me 11 pikë të tjera.

Te Luksemburgu më i dalluari ishte Alex Laurent me 22 pikë.

Kosova të mërkurën (07.08.19) do të përballet me Britaninë e Madhe në Mitrovicë në ora 20:30 në ndeshjen e dytë të grupit parakualifikues drejt Eurobasket 2021.