Kosova mposhtet në gjysmëfinale

Përfaqësuesja U16 e Kosovës në konkurrencën e femrave, ka humbur rastin për të luajtur në finale të Kampionatit U16 Europian të Divizionit C, ku po paraqitet për herë të parë.

Vashat tona e pësuan humbjen e parë në këtë turne, duke u mposhtur në gjysmëfinale nga nikoqirja e kampionatit, Andorra, me rezultat 32-59.

Përfaqësuesja jonë ishte rivale e denjë vetëm në 10 minutat e para, ndërsa më pas kontrolli i lojës kaloi krejtësisht në duart e basketbollisteve të Andorrës.

Në këtë humbje e vetmja që u dallua ishte Besjana Martinaj, e cila shënoi gjysmën e pikëve të skuadrës kosovare.

Kosova tani do ta zhvillojë edhe ndeshjen e fundit, ate për vendin e tretë, ku do të takohet me skuadrën e Maltës, të cilën e kishte mposhtur më parë.