MBYLLET XHIROJA
Kosovari fiton derbin e ditës ndaj Vushtrrisë
1 December, 2023 @21:53
Në ndeshjen e vetme të Ligës së Parë sot që pati rivalitet deri në fund të takimit, Kosovari ka arritur të shënojë fitore ndaj Vushtrrisë me 3 pikë dallim, duke e fituar duelin 82-79.
Ardian Ibishi me 20 pikë dhe Ardian Islamaj me 18 pikë kanë qenë më të dalluarit te Kosovari në fitore sonte, ndërsa te Vushtrria koshashënues më i mirë i ndeshjes ka qenë Ramadan Zekiqi me 26 pikë.
Me fitore, Kosovari ka bërë bilancin 7-3 dhe është i pesti aktualisht, ndërsa Vushtrria mbetet e dyta por me bilanc 8-3.
