ERMAL KUQO
Kuqo i bashkohet Mahmudit
27 July, 2014 @13:33
Ermal Kuqo ka gjetur skuadrën e tij të re. Qendra 34 vjeçare është transferuar në skuadrën Darüşşafaka Doğuş, me të cilën ka nënshkruar kontratë një vjeçare.
Interesim për ta transferuar qendrën shqiptare kishte shprehur edhe skuadra tjetër turke, Pınar Karşıyaka, mirëpo vendimi i Kuqos erdhi pasi në krye të kësaj skuadre ditë më parë u emërtua trajneri i mirënjohur, Oktay Mahmudi, i cili ka qenë trajner i Kuqos edhe në Anadolu Efes dhe Galatasaray Medical Park.
Kuqo në stinorin e fundit me Banvitin ka pasur mesatare prej 6.4 pikëve dhe 3 kërcimeve nga 32 ndeshje të luajtura në Superligën turke.
