Kuqo vazhdon me fitore

Banvit Bandirma, ka vazhduar me fitore. Ekipi ku luan edhe basketbollisti shqiptar me përvojë, Ermal Kuqo, Bandirma ka arritur që të shënojë fitore ndaj Galatasarayit sonte duke e mposhtur atë 83-72. 

Me këtë fitore, ekipi i Kuqos ka arritur në seri prej 13 ndeshjeve me fitore, derisa vazhdojnë që të udhëheqin në mënyrë komode ligën e fortë turke të basketbollit. 

Për më tepër Emrali ka qenë koshashënuesi më efikas i ndeshjes në fitoren e njëzetë të ekipit të tij. Ai ka shënuar 16 pikë në ndeshje duke pasur 75% saktësi nga gjuajtjet për dy, derisa 100% nga gjuajtjet e lira. 

Banvit ka 20 fitore krahas një humbjeje në ligën elite turke të basketbollit, derisa Fenerbahçe dhe Efes Anadolu që gjinden pas tyre kanë bilanc, 17-4, përkatësisht 15-6.