Largohet LaGrange

Plejmekeri amerikan, Jerome LaGrange, është larguar nga Trepça. Basketbollisti 34 vjeçar ka luajtur vetëm pesë ndeshje te skuadra kampione e Kosovës dhe është larguar pas ndeshjes së fundit kundër Sigkos Bashkimit, të cilën e fitoi skuadra nga Prizreni me rezultat 72-61.

LaGrange kishte ardhur në Mitrovicë së bashku me qendrën Dennis Mims, duke i zëvendësuar kanadezët, Keaton Cole dhe Paul Campbell, më performancën e të cilëve nuk ishin të kënaqur drejtuesit e klubit xehetar.

Trepça ndeshjen e radhës dhe të fundit të stinorit vjeshtor do ta luajë kundër skuadrës gjakovare, Vëllaznimi.