Lëndimet, debutimet dhe rikthimet - te Kosova

Kosova me FBK-në organizatore të ndeshjeve të fundit parakualifikuese të Grupit B për Botërorin 2023, do të ketë si mungesa ashtu edhe risi në skuadër para dueleve që nisin sot.

Kështu, pas publikimit të 12-shes përfundimtare që do të jetë në parket për ndeshjet vendimtare të Kosovës, nga të cilat varet a kualifikohet ekipi më tej a jo, te Kosova do të mungojë Gëzim Morina, basketbollisti i Yllit që është lënduar në javët e kaluara.

Gjithashtu, si debutues pritet të shijojë përfaqësuesen Denis Zenelaj, që është risia e fundit e selektorit grek të Kosovës Christos Marmarinos.

Ndërsa rikthimet, për dallim nga ndeshjet e nëntorit, e Dardan Berishës, Samir Zekiqit dhe Divine Mylesit, vetëm se japin shpresë për rezultate të mira.

Kosovës i duhen dy fitore në dy ndeshjet e fundit për të siguruar kualifikimin.

ORARI

18 Shkurt

16:00 Sllovakia-Islanda

19:00 Kosova-Luksemburgu

20 Shkurt

16:00 Luksemburgu-Islanda

19:00 Kosova-Sllovakia

TABELA:

1. Islanda 3-1
2. Sllovakia 2-2
3. Kosova 2-2
4. Luksemburgu 1-3.