Levski fiton dramën dhe arrin finalen

Levski ka arritur që të kthehet në çerekun e fundit të ndeshjes për të shkrirë tërë epërsinë e ekipit nga Botevgrad dhe për të arritur finalen e madhe të BIBL. 

Balkan Botevgrad ia nisi shumë mirë ndeshjes. Ekipi nga Botevgradi që eliminoi Pejën nga liga ballkanike, pjesën më të madhe të lojës arriti të dominonte, derisa e tëra që bënte Levski e Sofjes, ishte ndjekja e rezultatit. 

Pesë pikë në fund të çerekut të parë, 6 në fund të pjesës së parë dhe 4 pikë tjera bën dallimin 15 pikësh në të mirë të ekipit të Aleksandar Todorovit në ndeshje. 

Mirëpo, në çerekun e fundit Levski me mbrojtje të hatashme ndali ekipin e veshur me të gjelbëra në derbin bullgar të Final Fourit Prishtina 2014, duke e arritur epërsinë e parë në ndeshje vetëm disa sekonda pa përfunduar ndeshja. 

E kjo, bëri që çereku i fundit të përfundojë 25-10 në të mirë të Levskit dhe ndeshja shkoi në vazhdime, pasi që rezultati pas 40 minutave ishte 78-78. 

Brendon Heath, Jumaine Jones dhe Nikolay Varbanov kanë qenë basketbollistët më të dalluar të ekipit nga kryeqyteti bullgar, derisa te Balkani që pjesën më të madh të lojës dominoi, janë dalluar Ivan Lilov, Noah Dahlman dhe Stanimir Marinov. 

Në fund festa i takoi Konstantin Papazovit, trajnerit të Levskit, që me Show-in e tij, bëri për vete tërë publikun në Pallatin e Rinisë dhe të Sporteve. 

Kjo është finalja e tretë me radhë për Levski Sofian në Balkan League. 

Statistikat ekipore:

	Levski	Balkan
Çereku 1	18	23
Çereku 2	16	22
Çereku 3	19	23
Çereku 4	25	10
OT 1	16	7
Kërcime	37	36
Asistime	22	20
Bllokada	4	-
Topa të vjedhur	9	5
Topa të humbur	14	17
Tentime për tre pikë	5/16	11/30
Tentime për dy pikë	29/54	19/37
Tentime nga gjuajtjet e lira	21/31	14/23

Statistikat individuale te Levski

1	Brandon Loyvon Heath	23 pikë	8 asistime	5 kërcime
2	Jumaine Jones	16 pikë	9 kërcime	3 asistime
3	Nikolay Varbanov	14 pikë	5 kërcime
4	Michael Wilkinson	10 pikë	9 kërcime	5 asistime
5	Hristo Zahariev	9 pikë	5 kërcime	5 asistime
6	Lionel Chalmers	8 pikë	1 kërcim	1 asistim
7	Pavel Ivanov	8 pikë	2 kërcime
8	Dimitar Angelov	6 pikë	1 kërcim

Statistikat individuale te Balkani:

1	Ivan Lilov	21 pikë	7 asistime	5 kërcime
2	Stanimir Marinov	19 pikë	7 kërcime	4 asistime
3	Noah Dahlman	17 pikë	8 kërcime	2 asistime
4	Martin Marinov	15 pikë	2 kërcime	1 asistim
5	Pavel Marinov	9 pikë	5 kërcime	2 asistime
6	Slobodan Bozovic	2 pikë	6 kërcime	1 asistim
7	Peter Sedmak	2 pikë	3 asistime	2 kërcime