LIVERPOOL - BOURNEMOUTH
Liverpool gabon ndaj Bournemouthit
5 April, 2017 @22:58
Vazhdojnë problemet e Liverpoolit në ndeshjet që duhen fituar në shtëpi.
Skuadra e gjermanit Klopp sonte u ndal nga Bournemouthi në shtëpi, në një ndeshje që dhuroi plot 4 gola. Mysafirët kaluan të parët në epërsi me golin e Afobes, ndërsa Liverpooli e arriti përmbysjen në 2-1, mirëpo kur u mendua se fitorja ishte e siguruar, në skenë doli Joshua King, i cili shënoi për 2-2, që doli të ishte edhe rezultati final i këtij takimi.
Duhet përmendur fakti që me golin e shënuar sonte, Coutinho bëhet braziliani me më së shumti gola në histori të Premier Leagues.
Ky barazim e mban Liverpoolin në vendin e tretë, mirëpo City i vendit të katërt ka një takim më pak të zhvilluar.
