ZVICËR
Baseli i Xhakës në finale të Kupës
5 April, 2017 @21:05
Taulant Xhaka mund ta fitojë për herë të tretë titullin e Kupës së Zvicrës.
Futbollisti i është afruar shumë këtij qëllimi, pasi skuadra e tij, Basel, është kualifikuar në finale, pas fitores së sotme me rezultat 3-1 ndaj skuadrës Winterthur, pjesë e së cilës është edhe mesfushori shqiptar Arxhend Cani.
Pikërisht Cani ishte autor i golit të vetëm të Winterthurit, por që ky gol nuk mjaftoi që skuadra e tij ta vazhdojë aventurën në Kupë.
Xhaka në këtë ndeshje nuk u aktivizua fare.
Në finale Baseli e pret fituesin e duelit Sion-Luzern.
