Luajtëm mirë në sulm dhe në mbrojtje

Fundori amerikan i Bashkimit, Aaron Moss, ishte njëri ndër lojtarët më të dalluar në ndeshjen kundër Prishtinës. Bashkimi mposhti për herë të parë Sigal Prishtinën këtë stinor, ndërsa kjo ka qenë humbja e parë e Sigal Prishtinës në të gjitha garat brenda Kosovës këtë stinor.

Moss, në një bisedë ekskluzive me Borozani.com, ka thënë se në dy repartet ekipi ishte shumë i mirë mbrëmë.

“Me të vërtetë ishte një ndeshje e vështirë, ne luajtëm shumë mirë në mënyrë ekipore në të dy anët edhe në sulm edhe në mbrojtje. Kemi marrë vendime të drejta në kohë të duhur, gjithashtu trajneri ynë na vendosi neve në pozitat ku ishim më efektiv për të arritur fitoren,” - ka thënë Moss pas ndeshjes.

TABELA AKTUALE / SUPERLIGA

Aaron Moss në këtë ndeshje ishte shumë afër të shënojë triple-double. Ai luajti me 25 pikë, 9 asistime e 8 kërcime. Bashkimi është aktualisht i dyti në klasifikimin dhe thuajse ka siguruar PlayOffin.