FILIP BUNDOVIC
Foto: KBPrishtina/fb
Arrin përforcimi i Sigal Prishtinës
14 March, 2018 @20:58
Basketbollisti kroat, i paralajmëruar dy ditë më parë si përforcim i Sigal Prishtinës, Filip Bundovic, ka arritur në kryeqytet sot dhe sonte është paraqitur në stërvitje të skuadrës, bën të ditur faqja zyrtare e bardhekaltërve sonte.
Bundovic, pritet të debutojë në përballjen derbi që Sigal Prishtina e luan si mysafire e Bashkimit të Prizrenit nesër mbrëma në Sezai Surroi.
Sigal Prishtina ende nuk ka pësuar humbje dhe po vazhdon rekordin perfekt në Superligë pas 21 ndeshjeve, ndërsa Bashkimi është i dyti në klasifikim.
