PLAYOFF TIES
Bashkimi dhe Tirana mësojnë rivalët e Play-Offit
14 March, 2018 @10:35
Ka mbetur vetëm edhe një ndeshje për të përfunduar stinori i rregullt i BIBL. Mirëpo, Blokotehna dhe Rilski në këtë ndeshje luftojnë për vendin e parë në stinorin e rregullt dhe kanë të siguruar Final Fourin.
Kështu, pozitat prej 3 deri në 6 janë përcaktuar me ndeshjet e mbrëmshme dhe Bashkimi e Tirana kanë kuptuar rivalët e tyre në Play-Off, për të kërkuar një vend në Final Four.
BASHKIMI
Bashkimi do të ndeshet me Akademik Bultexin në luftë për Final Four, në ndeshjen që do të zhvillohen më 28 mars 2018 (19:30) në Prizren dhe 4 prill 2018 (18:30) në Plovdiv.
TIRANA
Tirana, në anën tjetër, do të përballet me ekipin tjetër bullgar, Levski Sofia. Ndeshjen e parë më 27 mars 2018 (18:30) Tirana e luan si vendase në Feti Borova, ndërsa më 3 prill 2018 në Sofie (18:30) do të zhvillojë ndeshjen e kthimit.
RIVALËT E FINAL FOURIT
Ekipi që arrin bilanc më të mirë nga duelet do të sigurojë biletën për Final Four, ku i presin Blokotehna dhe Rilski Sportist.
