YLLI - KERASANI
Ylli pa probleme ndaj Kerasanit
12 March, 2018 @10:55
Në takimin e parë të xhiros së XXII në Superligën e Kosovës në basketboll, Ylli ka shënuar fitore të parashikueshme ndaj Kerasanit në Suharekë.
Vendasit ishin më të mirë se prishtinasit përgjatë gjithë ndeshjes, duke mos lejuar për asnjë moment dyshime në fituesin e duelit, ndërsa rezultati përfundimtar i ndeshjes ishte 99-71.
Më të dalluarit në këtë fitore të Yllit ishin Marvin Smith me 18 pikë, 7 kërcime e 1 asistim dhe Dragan Sekelja me 15 pikë, 16 kërcime e 3 asistime, derisa nga 15 pikë shtuan edhe Michael Harmon e Egzon Kuqi. Te Kerasani u veçuan Gent Shala me 17 pikë e 7 kërcime dhe Kujtim Ujkani me 14 pikë, 6 kërcime e 2 asistime.
Kjo fitore e forcon Yllin në vendin e tretë, ndërsa Kerasani mbetet i fundit në klasifikim.
