BASHKIMI-TREPÇA
Bashkimi shpërthen në çerekun e fundit
11 March, 2018 @20:33
Edhepse në pjesën më të madhe ishte në epërsi, Bashkimi në çerekun e fundit ka shpërthyer për të krijuar avantazh të madh dhe minutat e fundit të ndeshjes i priti rehat, për të mposhtur Trepçën në derbi, 86-65.
Aaron Moss ka vazhduar me super formën e tij duke regjistruar triple-double’in e radhës, 12 pikë, 14 kërcime e 14 asistime.
Mikaile Tmusic ka qenë më efikasi, me 27 pikë,5 asistime e 6 kërcime, ndërsa 14 pikë ka shtuar Ergin Grosha në fitore.
Te Trepça, vetëm dy lojtarë përfunduan ndeshjen me pikë dyshifrore. Mitrovicasit, që nuk kishin në radhët e veta asnjë të huaj, në fund s’i bën ballë prizrenasve, ku Samir Zekiqi shënoi 26, ndërsa Besnik Azemi 22 pikë tjera.
Pas kësaj ndeshjeje, Bashkimi ka përmirësuar bilancin në 16-5, ndërsa Trepça ka shtuar humbjet, në 9-12.
