TOP 16 EUROLEAGUE
euroleague
Luftuan, fituan
22 February, 2013 @22:37
Efesi është duke i “dehur” kundërshtarët një nga një, në Top 16 të Euroleague-së. Ata humbjen e vetme në grup deri më tani e pësuan nga nënkampioni CSKA Moska, por lojtarët e trajnerit Oktay Mahmuti, arritën t’i revanshohen rusëve.
Ndeshja nuk ia nisi mirë për turqit, të cilët hasën vështirësi për të shënuar pikë. Por që nga çereku i dytë deri në fund, skuadra e Ermal Kuqo-së, luftoi me mish e me shpirt në mbrojtje.
Me mbrojtje agresive, si dhe me pikët e lojtarit Jordan Farmar, Anadolu Efes arriti ta mposht CSKA Moskën me rezultat 63-60. Lojtari me përvojë nga NBA Farmar, luajti me 15 pikë, ndërsa në anën tjetër Teodosic shkëlqeu me 26 pikë por nuk mjaftuan për fitoren e CSKA-së.
Kjo ishte fitorja e 7-të për Efesin, derisa ka vetëm një humbje në Grupin E, ndërsa skuadra ruse ka bilanc prej 5 fitoreve e 3 humbjeve.
Reali së bashku me Efesin
Real Madridi e mposhti Alba Berlinin me rezultat 77-72. Spanjollët së bashku me Efesin, gjenden në krye të tabelës me 7-të fitore e një humbje. Jaycee Carroll luajti me 16 pikë.
GRUPI E
| 1 | Real Madrid | 7 F | 1 H | |
| 2 | Anadolu Efes | 7 F | 1 H | |
| 3 | CSKA Moscow | 5 F | 3 H | |
| 4 | Panathinaikos | 5 F | 3 H | |
| 5 | Unicaja | 4 F | 4 H | |
| 6 | Zalgiris Kaunas | 3 F | 5 H | |
| 7 | Alba Berlin | 1 F | 7 H | |
| 8 | Brose Baskets | 0 F | 8 H |
GRUPI F
| 1 | Regal Barcelona | 7 F | 1 H | |
| 2 | Siena | 6 F | 2 H | |
| 3 | Khimki | 5 F | 3 H | |
| 4 | Olympiacos | 5 F | 3 H | |
| 5 | Caja Laboral | 4 F | 4 H | |
| 6 | Maccabi | 3 F | 5 H | |
| 7 | Fenerbahçe | 2 F | 6 H | |
| 8 | Besiktas | 0 F | 8 H |
