Lutz te rivali i Pejës?!

Drejtori sportiv i Pejës dhe ish trajneri i kësaj skuadre, Daniel Lutz, mund të merr drejtimin e rivalit të madh të këtij ekipi, Sigal Prishtinës.

Koha Ditore ka shkruar sot se sipas burimeve të saja biseda për kontratë një vjeçare të Lutzit me bardhekaltërit është mbajtur, ndërsa zyrtarizimi pritet të bëhet javën që vjen.

Asnjë zyrtar i Sigal Prishtinës nuk ka konfirmuar këtë, ka bërë të ditur gjithashtu gazeta në fjalë sot.

Lutz, ish trajner i Cibonës së Zagrebit është vlerësuar shumë jo vetëm në Kosovë. Ai ka kaluar një stinor te Peja si trajner, ndërsa një tjetër si drejtor sportiv.

Sigal Prishtina ka mbetur pa trajner pasi që Antonis Constantinides për arsye familjare është larguar nga ekipi.

Gjithçka pritet të qartësohet javën që vjen, sa i përket këtij njoftimi.