BASHKIMI - YLLI
Mala dërgon ndeshjen në vazhdime, Bashkimi mposhtë edhe Yllin
19 December, 2020 @17:26
Ndeshja hapëse e xhiros së nëntë në Superligën e Kosovës në basketboll, përfundoi me fitoren e Bashkimit ndaj Yllit me rezultat 89-85.
Për ta caktuar fituesin në këtë duel, janë nevojitur të luhen edhe pesë minuta shtesë të vazhdimeve.
Ndeshjen në vazhdime e dërgoi Musab Mala, duke shënuar nga vija e treshit në 9 sekondat e fundit të ndeshjes, derisa në vazhdime Bashkimi ishte skuadra që e kërkoi më shumë fitoren dhe këtë e arriti pas 5 minutave shtesë.
Te Bashkimi u dalluan Sean Hoehn me 32 pikë, 6 kërcime e 6 asistime, Musab Mala me 21 pikë e 5 asistime dhe Julian Hamati me double-double prej 14 pikëve e 15 kërcimeve.
Te Ylli u veçuan Valon Bunjaku me 26 pikë, Cody John me 20 pikë dhe Griffin Ramme me 16 pikë, por nuk mjaftuan për fitore.
Që të dyja skuadrat kanë bilanc prej 4 fitoreve e 5 humbjeve. Bashkimi e regjistroi fitoren e tretë rresht, kurse Ylli ka seri negative prej 4 humbjeve rresht.
Në xhiron tjetër Bashkimi takohet me Vëllaznimin, derisa Ylli me Trepçën.