RAHOVECI - BASHKIMI
Mala me triple-double, Rahoveci fiton për herë të parë Bashkimin
29 January, 2022 @20:55
Ndeshja e dytë e ditës së sotme i takoi Rahovecit, që e mposhti Bashkimin me rezultat 87-68.
Vreshtarët e nisën ndeshjen me një seri prej 8-0 dhe në asnjë moment nuk kaluan në disavantazh.
Bashkimi në çerekun e tretë e barazoi rezultatin, por nuk arriti të kalonte në epërsi dhe kështu do të kthehen në shtëpi me humbje.
Musab Mala shkëlqeu me triple-double kundër ish-skuadrës së tij prej 15 pikëve, 14 asistimeve e 12 kërcimeve, derisa koshashënuesi më i mirë ishte Milik Yarbrough me 28 pikë.
Te Bashkimi më i dalluari ishte Valon Bunjaku me 18 pikë, kurse përfocimi i ri John Florveus debutoi me double-double prej 17 pikëve e 14 kërcimeve.
Kjo ishte fitorja e parë e Rahovecit kundër Bashkimit në këtë stinor, derisa me 5 fitore e 11 humbje gjendet në pozitën e parafundit. Në anën tjetër Bashkimi me 8 fitore e 10 humbje gjendet në pozitën e gjashtë.
