Malisheva e AS Kastrioti, sigurojnë Ligën e Parë A

Rahoveci, Malisheva dhe AS Kastrioti janë tri ekipet e para që kanë siguruar plasman në Ligën e Parë A të Kosovës duke fituar kështu të drejtën të luftojnë për plasman në ETC Superligë.

Malisheva në ndeshjen e fundit të sezonit vjeshtor, u mposht nga Skenderaj 69:76, por edhe me një pikë nga kjo humbje e kishte të siguruar pozitën e dytë në tabelën e Grupit të Dytë të Ligës së Parë.

Dy xhirot e fundit të Grupit të Dytë të Ligës së Parë ishin vërtetë interesante dhe në fund Malisheva, AS Kastrioti dhe Kalaja e përfunduan pjesën e parë të sezonit me nga 16 pikë.

Vetëm në saje të dueleve direkte ndërmjet këtyre tri ekipeve u përcaktua që Malisheva dhe AS Kastrioti do të garojnë në Ligën e Parë A, kurse Kalaja, si humbëse e dueleve direkte me AS Kastriotin dhe Malishevën edhe pse me pikë të njëjta mbetet në Ligën e Parë B në pranverë.

Përndryshe kampion i vjeshtës në Grupin e Dytë të Ligës së Parë është Rahoveci me 8 fitore dhe 2 humbje, madje të pësuara, pasi sezonin e kishte nisur me 7 fitore radhazi.

Tri ekipet tjera të Ligës së Parë A do të vijnë nga Grupi i Parë i kësaj lige. Newborni është lider, Kerasan Prishtina ka një pikë më pak, kurse në garë për pozitën e tretë janë Lipjani, Kosova dhe Kaçaniku.

Federata e Basketbollit të Kosovës këtë stinor për shkak të shtimit të numrit të ekipeve në ligën e dytë, e ka ndarë atë në dy liga sipas regjioneve. 

Kështu, tre ekipet e para nga Liga e Parë Grupi I dhe Liga e Parë Grupi II, kualifikohen në Ligën e Parë A, prej ku luftojnë për pozitat që dërgojnë në Superligë. 

Derisa në Ligën e Parë Grupi I, kanë përfunduar ndeshjet, në atë të Grupit II, kanë edhe nga një-dy xhiro për përfundim dhe kualifikim te më të mirët për luftë në Superligë. 

LIGA E PARË, Grupi I: (përfundimtare)

LIGA E PARË, Grupi II: