Maqedonia favorite përballë Kosovës

Edhe selektori i Kosovës, Damir Mulaomerovic, në prononcimin e tij para ndeshjes ndaj Maqedonisë, ka pranuar që rivaltë janë favorit në këtë duel.

“Sido që të jetë ne të dielën do të dalim në parket dhe do të bëjmë më të mirën, për të treguar basketboll cilësor dhe për të mposhtur Maqedoninë, edhe pse e dimë se do të jetë shumë vështirë, sepse ata janë favoritë në këtë ndeshje,” kanë qenë ndër të tjera fjalët e trajnerit të Kosovës, që nuk ka shënuar fitore ende me reprezentacionin, prej se u emërua aty.

Kosova është mposhtur në ndeshjet e para edhe nga Maqedonia edhe nga Ruamania, në kuadër të parakualifikimeve për Eurobasket 2021, ndërsa tash duhet të mposht Maqedoninë me 4 pikë dallim së paku dhe të shpresojë që Rumania gjithashtu të mposht Maqedoninë në duelin tjetër për të mbajtur gjallë shpresat.

TABELA AKTUALE dhe ORARI

Duelin e fundit në kuadër të raundit të dytë të parakualifikimeve për Eurobasket 2021, Kosova do ta luaj më 24 shkurt në Prishtinë kundër Rumanisë.

Ndërkaq fituesi i këtij grupi do të kualifikohet në kualifikime për Eurobasket 2021 që do të fillojnë në nëntor të vitit të ardhshëm, kurse dy kombëtaret e tjera e kanë edhe një shans tjetër për t’u kualifikuar, por nëpërmjet një raundi shtesë që do të luhet në gusht të vitit 2019.