Të gjitha lajmet

RUMANIA - KOSOVA

Të dukshme mungesat, Kosova mposhtet në Rumani

Foto: FIBA

Të dukshme mungesat, Kosova mposhtet në Rumani

29 November, 2018 @18:53

Në ndeshjen e saj të dytë në kuadër të fazës parakualifikuese drejt EuroBasket 2021, Kosova u mposht me rezultat të ngushtë 88-83 nga përfaqësuesja e Rumanisë. Në këtë takim Kosova ishte në mungesë të Scott Bamforthit, Erjon Kastratit dhe amerikanit të ri të natyralizuar Malcolm Armstead, ndërsa nga ajo që pamë sonte, mund të thuhet që pa mungesa Kosova me shumë gjasë do ta fitonte këtë përballje.

Gjatë pjesës së parë, Kosova ishte gjatë gjithë kohës në epërsi të lehtë, mirëpo disa gjuajtje të sakta të vendasve për tri pikë në fund të çerekut të dytë, bënë që pjesë e parë të mbyllej me rezultat të barabartë, 35-35.

TABELAT E GRUPEVE

Në çerekun e tretë, duke qenë më të mirë sa i përket kërcimeve në sulm dhe gjuajtjeve të sakta për tri pikë, rumunët arritën që ta merrnin epërsinë dhe ky çerek u mbyll me shifrat 59-53. Epërsinë e krijuar pas çerekut të tretë, përfaqësuesja e Rumunisë nuk e lëshoi deri në fund dhe arriti ta mbyllë ndeshjen me fitore. Ishin përsëri trepikëshat ata që u treguan vendimtarë në fitoren e vendasve, ndërsa Kosova, edhe pse luftoi deri në sekondat e fundit dhe e ngushtoi tejet shumë disavantazhin, dështoi të shënonte pikë në momentet më kritike të ndeshjes, për t’u detyruar kështu të pajtohet me humbje.

Më i dalluari në këtë humbje të Kosovës sonte ishte Lis Shoshi, i cili zhvilloi një ndeshje fantastike personale me 29 pikë e 18 kërcime, kurse te Rumania u veçua Giordan Watson me 19 pikë, 4 asistime e 3 kërcime.

Ndeshjen e ardhshme në kuadër të parakualifikimeve drejt EuroBasket 2021 Kosova e luan ndaj Maqedonisë më 2 dhjetor në Gjevgjeli, përfaqësuese kjo që na ka mposhtur me rezultat 73-76 në ndeshjen e luajtur në Prishtinë.

KOMUNIKATË E KB RAHOVECI

Rahoveci tërhiqet nga organizimi i ndeshjeve të reprezentacionit

6 May, 2019 @16:04

Përmes një njoftimi të botuar në llogarinë zyrtare të klubit të Rahovecit, është bërë e ditur se skuadra në fjalë…

EUROPIANI I FEMRAVE NËN 20

FBK publikon llogon e Euro U20 që mbahet në Prishtinë

Foto: FBK

8 April, 2019 @15:17

Federata e Basketbollit të Kosovës (FBK) sot edhe zyrtarisht e ka publikuar logon zyrtare të FIBA U20 Kampionatit Evropian, Divizioni…

GRUMBULLIMI I TË REJAVE

Selektori U16 Edin Kërveshi fton 24 lojtare

2 April, 2019 @21:24

Njëzetë e katër basketbolliste të reja janë ftuar nga selektori Edin Kërveshi në grumbullimin e radhës të Kosovës U16. …

MEDIA

Kosovari Divine Myles

Divine Myles, Prishtina/ TOPSPORTI/ A. P.

28 March, 2019 @11:30

Basketbollisti i Prishtinës, Divine Myles, pritet të veshë tash e tutje edhe fanellën e përfaqësueses së Kosovës, ka bërë të…

KOSOVA NË GRUPIN G

Mundësia e fundit për kualifikueset, në verë

Foto: fiba.basketball

25 February, 2019 @15:05

Pas eliminimit nga faza e dytë para-kualifikuese për në Eurobasket 2021, reprezentacioni i Kosovës do të ketë edhe një mundësi…

Të gjitha lajmet nga Përfaqësuesja