VRESHTARËT
Mark Rodiqi, trajner i KB Rahoveci
4 September, 2017 @14:02
Skuadra e KB Rahovecit, që në stinorin e kaluar debutoi në Superligë të Kosovës dhe pati një stinor të mirë, sot ka bërë të ditur se ka emëruar trajner të ri të ekipit, Mark Rodiqin.
Rodiqi është emër i njohur i basketbollit në Kosovë, pasi që ka punuar me ekipe të ndryshme si trajner i juniorëve dhe seniorëve, ndërsa ka bërë karrierë edhe në SHBA si trajner vizitor.
Gjithashtu, ai ka qenë edhe trajner i Kosovës A por edhe i junorëve, në kohën kur FBK nuk ka qenë anëtare e FIBA.
Sipas njoftimit të KB Rahoveci, Rodiqi 43 vjeç, ka arritur marrëveshje një vjeçare me ekipin e vreshtarëve.
FOTO: Mark Rodiqi, djathtas
