Mbrëmja e derbive

Mbrëmja e sotme do të jetë mbrëmje e derbive më të mëdha në basketbollin e Kosovës. Prandaj çdonjëri që e do basketbollin duhet t’i shikojë këto ndeshje. 

Në njërën anë, kampionja aktuale, Trepça, në mungesë të palestrës vuan në Vushtrri si vendase dhe pret Sigal Prishtinën, ndërsa rreth 100 kilometra në jug, Bashkimi pret Pejën në derbin tjetër. 

Trepça - Prishtina

Kampionja e Kosovës, është në rrezik të madh nga RTV 21 në luftë për vendin e katërt dhe djelomshat e udhëhequr nga Pance Milevski, kërkojnë as më pak e as më shumë se fitorja në ndeshjen e sontme. 

Basketbollisti më i mirë i vitit të kaluar, Drilon Hajrizi, ka ftuar bile tifozët që të udhëtojnë në numër sa më të madh ashtu që basketbollistët të kenë përkrahje edhe më të madhe në ndeshjen derbi - ndaj Sigal Prishtinës. 

Ndërkaq, Sigal Prishtina, e cila mposhti Pejën me trajnerin e ri Ahmet Kandemir, por u befasua nga RTV 21 - nuk e ka të sigurtë vendin e dytë, që ua rrezikon Bashkimi, pasi që janë vetëm një pikë larg. 

Bashkimi - Peja

Derbi tjetër në Sezai Surroi, pritet të jetë edhe më i zjarrtë. Bashkimi pas fitores historike ndaj Sigal Prishtinës si vendas, beson se mund të fitojë çdokë në Prizren dhe kur kihet parasysh loja e mirë ndaj Pejës në Karagaç - kërkojnë fitore. 

Lideri i ligës, Peja, me rikthimin e Dardan Berishës dhe Ersid Ljucës është ekip tjetër. Humbjet që i pësoi nga Sigal Prishtina dhe RTV 21 u harruan shumë shpejtë me t’u rikthyer Dardani, i cili është lojtar i një kalibri tjetër krahusuar me basketbollistët tjerë. Pejanët shkojnë për lojë të mirë dhe fitore në Prizren, ashtu që në asnjë moment mos t’u rrezikohet vendi i parë. 

Tabela aktuale.

BKT SUPERLIGA, XHIROJA XXV