BKT SUPERLIGA
BOROZANI/Erdis Driza
RTV 21 në vendin e katërt!
10 April, 2013 @23:00
Basketbollistët e RTV 21-shit kanë arritur të shënojnë fitoren e radhës në BKT Superligë.
Djelmoshat e Adin Adinovic kanë shënuar fitoren e radhës, të 15-tën këtë stinor, ndaj Dritës në Gjilan, në palestrën Bashkim Selishta - Petriti.
Kjo ka qenë fitorja e tretë e Teleboysave ndaj gjilanasve këtë stinor, pasi që njëherë janë mposhtur nga Drita në stinorin vjeshtor.
Me këtë fitore, 65-83, basketbollistët e RTV 21 kalojnë në vendin e katërt të tabelës deri sa të zhvillojë Trepça ndeshjen e radhës dhe ëndrra e tyre për Play-Off po vazhdon.
Teleboysat kanë shënuar katër fitore në katër ndeshjet e para të ciklit të fundit të BKT Superligës, duke mposhtur Pejën, Vëllaznimin, Sigal Prishtinën dhe Dritën.
Në xhiron e radhës ata takohen me rivalin e drejtpërdrejtë në luftë për vendin e katërt, Trepçën.
BKT SUPERLIGA, SONTE:
| Drita - RTV 21 | 65-83 |
