Më energjik në ndeshjen tjetër

Trajneri i Pejës, Dragan Radovic, ka humbur ndeshjen e parë të serisë finale të PlayOffit ndaj ish-ekipit të tij, Golden Eagle Ylli.

Peja u mposht nga Ylli me dallim 8-pikësh sonte për të nisur serinë me disavantazh 0-1, përkundër se kishin epërsinë e terrenit vendas.

“Kemi pasur momente jo të mira në fillim të ndeshjes. Topa të humbura, pastaj gjithçka u vështirësua. Deri në fund nuk na mjaftoi energjia, pasi që kishim edhe bankën e shkurtër. Lisi ka qenë me lëndim të lehtë. Sidqoftë, është ndeshja e parë dhe na mbetet të kthejmë energjinë për ndeshjet tjera,” ka thënë Radovic pas ndeshjes.

Seria finale e PlayOffit luhet në sistemin 1-1-1-1-1. Peja kishte përparësinë e terrenit vendas dhe tash e humbi atë. Ylli në ndeshjen e radhës mund ta ngris epërsinë në 2-0 nëse fiton si vendas. Në të kundërtën, seria barazohet.