ULPIANA-VUSHTRRIA
KF Vushtrria/ Foto: Arkiv
Me fitore, Vushtrria i afrohet PlayOffit për Superligë
11 March, 2017 @16:03
Fitore e madhe dhe e rëndësishme e shënuar nga Vushtrria sot në mysafirllëkun që e kishin në Lipjan në duel ndaj Ulpianës.
Vushtrriasit kanë mposhtur rivalët e tyre 4-1 ndërsa me këtë fitore tashmë kanë barazuar pikët me KEK-un që gjendet në pozitën e katërt, pozitë kjo që siguron një vend në PlayOff për Superligë.
Golat për kampionin e 3 viteve më parë të Kosovës i shënuan: Bashkim Shala, Argjent Mustafa, Kujtim Pantina dhe Daut Maxhuni.
Derisa Vushtrria po vazhdon luftën për Superligë, Ulpiana në anën tjetër duhet luftuar në ndeshjet tjera për të ruajtur epitetin e ekipit të Ligës së Parë, pasi që tashmë janë në zonë të rrezikshme.
