Me Pejën në Adriatik ligë!

Danijel Lutz që do t’ia nis një faqe të re në karrierën e tij me kampionen e Kosovës, Peja, nga mediat kroate është cilësuar se i përshtatet idealisht planeve pejane. 

“Ambiciet e klubit më kanë tërhequr shumë, si dhe mundësia që do të kem mundësi t’i realizojë planet e mija. Qëllimi i klubit është që të hymë në ABA ligë dhe do të punojmë në atë drejtim,” ka qenë deklarata e parë e Lutzit si trajner i Pejës për mediat kroate sot. 

Me këtë Lutz i ka treguar drejtuesve të Cibonës se ai më nuk dëshiron të jetë opcioni ndihmës i tyre në bankë, duke mos pranuar më poste ndihmësi prej se klubi kampion zgjodhi Neven Spahijën në vend të tij. Lutz ka nënshkruar dje me Pejën, ndërsa Borozani.com ka qenë i pari që ka raportuar ekskluzivisht për te si trajner i ri i kampiones së Kosovës.