MH PRISHTINA - AS PRISHTINA
MH Prishtina shënon fitore jetike, PlayOuti vendoset në xhiron e fundit
25 March, 2022 @23:06
Marigona Hill Prishtina, ka arritur një fitore me vlerë shumë të madhe kundër AS Prishtinës, duke e mposhtur kundërshtarin me rezultat 101-87.
Djelmoshat e trajnerit Dritëro Sefaja, shënuan një fitore të lehtë ndaj AS Prishtinës.
Eliot Peci me 31 pikë ishte koshashënuesi më i mirë te MH Prishtina, derisa u ndihmua edhe nga Donat Rexhepi me 27 pikë, 16 kërcime, 4 asistime e 4 topa të rrëmbyer.
Te AS Prishtina me double-double prej 22 pikëve e 19 kërcimeve luajti Dardan Sejdiu, por nuk mjaftoi për fitore.
Këto dy skuadra aktualisht po luftojnë për mbijetesë. Që të dyja skuadrat i kanë nga 5 fitore e 12 humbje. Nëse në xhiron e fundit pësojnë të dyja skuadrat, atëhere MH Prishtina mbetet në Ligën e Parë e AS Prishtina do të luajë Play Out.
Nëse AS Prishtina në xhiron e fundit shënon fitore e MH Prishtina pëson, atëhere AS Prishtina e siguron mbijetesën.
Në xhiron e fundit Marigona Hill Prishtina do të përballet me Vushtrrinë, që po lufton për një vend në Play Off, kurse AS Prishtina do të takohet me Dukagjinin.