Montrael Scott, triple-double i parë i stinorit në BIBL

Përkudër se ekipi i tij u eliminua në stinorin debutues në ligën ballkanike, organizatori amerikan i Trepçës, Montrael Scott ka shënuar një statistikë vështirë të arritshme.

Scott në duelin e parafundit për këtë stinor të ekipit të tij në BIBL, ka regjistruar triple-double’in e parë të stinorit në këtë garë.

Amerikani ka përfunduar ndeshjen, që shkoi në vazhdime, ndaj Pejës me performancë prej: 16 pikëve, 12 kërcimeve dhe 11 asistimeve për Trepçën.

Scott mund të krenohet me atë se ka bërë çdo gjë për ekipin e tij në këtë ndeshje që u iku për pak nga duart, derisa edhe vetë trajneri i Pejës ka pranuar se ekipi i tij fitoi pas vazhdimeve me fat.