Mund të ketë befasi

Trajneri malazias i Bashkimit, Petar Mijovic, mendon se ekipi i tij mund të befasojë Pejën, përkundër humbjes në Superligë xhiro më parë. 

“Peja ka skuadër të fortë dhe këtë e ka dëshmuar në ndeshjen që e kemi luajtur në kuadër të kampionatit të Kosovës. Në përbërjen e saj Peja ka basketbollistë vendorë shumë të mirë, ku duhet veçuar Alban Veselin dhe Drilon Hajrizin, ndërsa edhe lojtarët e huaj i ka mjaft kualitativ, si amerikanët ashtu edhe kroatin Nenad Deliç. Peja sivjet ka ekip shumë të fortë dhe mjaft mirë të komponuar. Megjithatë ne jemi përgatitur maksimalisht për duelin e të martës. E kemi analizuar takimin e parë ndaj tyre, ku kemi pësuar humbje, i kemi shikuar anët tona të forta dhe ato të dobëta, andaj nuk na mbetet tjetër veçse të hyjmë në ndeshje dhe të luajmë lojën tonë. Shpresoj në përkrahje maksimale të tifozëve dhe nëse kjo ndodh, atëherë edhe mund të ketë befasi në palestër,” ka thënë ai për faqen zyrtare  të Federatës së Basketbollit të Kosovës (FBK) sot. 

ORARI DHE REFERËT

Bashkimi do të debutojë në BIBL këtë stinor, derisa ky është stinori i tretë për Pejën, që stinorin e fundit përfundoi garën në gjysmëfinale.