ISMET MUNISHI
Munishi: Ishte paraqitja jonë më e dobët
8 March, 2017 @18:03
Humbjen e sotme ndaj Ferizajit, trajneri i Dritës, Ismet Munishi, e ka arsyetuar me mungesat e shumta të skuadrës së tij, ndërsa pranoi që kjo ishte paraqitja më e dobët e stinorit të ekipit gjilanas.
”Është vështirë të luhet kur ju mungojnë 5 lojtarë nga formacioni bazë. Ne u munduam në pjesën e dytë, mirëpo kjo nuk mjaftoi sepse nuk krijuam raste të duhura për shënim, veçse Rrezikuam disa herë nga goditjet standarde. Por përfundimisht nuk luajtëm sot mirë. Kjo ishte larg ndeshja më e dobët e jona,” ka thënë Munishi.
Në fund, Munishi tha se do të mundohen ta harrojnë sa më shpejt këtë humbje dhe të mobilizohen për ndeshjen e radhës.
