GAME 3: ROCKETS - LAKERS
FOTO / NBA
Natë historike për Jamesin, Lakers kalon në epërsi
9 September, 2020 @9:45
Pas humbjes në ndeshjen e parë të serisë kundër Houstonit, Lakers e regjistroi fitoren e dytë rresht, duke e mposhtur kundërshtarin me rezultat 102-112.
Super ylli LeBron James ka shkëlqyer në këtë ndeshje me 36 pikë, 7 kërcime, 5 asistime e 4 bllokada, derisa u ndihmua edhe nga partneri i tij Anthony Davis me 26 pikë, 15 kërcime e 6 asistime.
Te Houstoni u dalluan James Harden me 33 pikë, 9 kërcime e 9 asistime dhe Russell Westbrook me 30 pikë, 8 kërcime e 6 asistime.
Me fitoren e Lakersit, LeBron James u bë lojtari me më së shumti fitore në Play Off në histori të NBA-së me 162 fitore në total.
Rezultati në seri është 2-1 në të mirë të Lakersave. Ndeshja e katërt e serisë do të luhet më 11 shtator.
