PRISHTINA GATI PËR SEZONIN E RI
Nazor: Kemi ndërruar stilin e lojës
13 September, 2021 @20:09
Trajneri i Prishtinës, Ante Nazor, në një bisedë me Kohën ka bërë të ditur se ekipi i tij do të jetë krejt ndryshe dhe ka ndërruar stilin e lojës për sezonin e ri.
Gjithashtu, kroati ka bërë të ditur se ekipi i tij tash do t’i jep më shumë hapësirë lojtarëve të ri dhe pret fitore në ndeshjen e parë të stinorit duke cekur respektin e madh për kundërshtarin.
“Kemi përvjelë mëngët dhe kemi punuar shumë mirë gjatë kësaj periudhe. Do të jemi një ekip i ristruktuaruar. Kemi ndërruar stilin e lojës. Do t’i japim hapësirë lojtarëve të rinj. Jemi përmirësuar dhe mendoj se jemi gati për sezonin e ri,” ka thënë Nazor për Kohën.
Dueli Drita-Prishtina e hap stinorin e ri të Superligës nesër me fillim prej orës 19:00. Drita përkundër se është vendase, do të luajë ndeshjen në cilësi të vendasit në Pallatin e Rinisë dhe të Sporteve në Prishtinë, pasi që palestra e Gjilanit është shndërruar në qendër vaksinimi në luftë me COVID-19.
