PRISHTINA - RAHOVECI
Ndeshja e mbetur: Prishtina - Rahoveci
17 December, 2018 @13:42
Sonte do të luhet ndeshja e mbetur e xhiros së XIII në Superligën e Kosovës në basketboll, ndërmjet Prishtinës dhe Rahovecit.
Kjo ndeshje është shtyrë për shkak të angazhimeve të Prishtinës në FIBA Europe Cup.
Që të dyja skuadrat ndeshjet e fundit të tyre i mbyllën me fitore.
Prishtina gjendet në pozitën e parë pa asnjë humbje me 12 fitore, derisa vreshtarët aktualisht gjenden në pozitën e dytë me 9 fitore e 4 humbje.
Ndeshja do të fillojë në ora 19:00 në Pallatin e Rinisë dhe Sporteve në Prishtinë.
