Ndeshja e mbetur Rahoveci-Prishtina, nesër

Përballja e mbetur e xhiros së XIV të Superligës së Kosovës, ndërmjet Rahovecit dhe Sigal Prishtinës është caktuar të zhvillohet nesër mbrëma.

Njoftimin e ka bërë të ditur KB Rahoveci përmes faqes zyrtare të ekipit kbrahoveci.com. Mirëpo, ajo që është për të përmendur është se përkundër se Rahoveci është vendas në këtë ndeshje, ajo do të zhvillohet në Pallatin e Rinisë dhe të Sporteve në Prishtinë, nesër më 3 shkurt 2017, me fillim në ora 19:00.

TABELA AKTUALE E SUPERLIGËS

Kjo ndeshje ishte dashur të zhvillohej në mesjavën e parafundit të dhjetorit (21-22 dhjetor 2016), por për shkak të angazhimeve të ekipit të Prishtinës në gara ndërkombëtare, ishte shtyer.

Para kësaj ndeshjeje Rahoveci ka bilanc 6-8 pas 14 takimeve të zhvilluara deri sot. Në anën tjetër, Sigal Prishtina është lidere e kampionatit dhe nga 15 ndeshje të zhvilluara ka bilanc 13-2.