Në Karagaç, për barazim të serisë rekorde

Peja dhe Sigal Prishtina sonte do të jenë përballë njëra tjetrës në palestrën e nxehtë të Karagaçit, për ta zhvilluar ndeshjen e fundit të fazës së dytë grupore në Ligën Ballkanike.

Përveç rëndësisë së madhe për Pejën, që këtë ndeshje duhet ta fitoj patjetër për të shpresuar në kualifikim, ndeshja ka rëndësi shumë të veçantë edhe për Sigal Prishtinën.

Për barazim të serisë!

Peja gjatë periudhës 21 tetor - 29 janar të këtij stinori, ishte perfekt duke krijuar seri prej 20 fitoreve rresht. Seria e saj kishte filluar menjëherë pas humbjes ndaj Bashkimit, kurse ishte ndërprerë më 2 shkurt në ndeshjen e humbur ndaj Levskit në kuadër të Ligës Ballkanike.

Kjo seri rekorde mund të barazohet nga Sigal Prishtina nesër, në qoftë se arrin ta mposhtë Pejën në Karagaç.

Prishtinasit deri më tani kanë seri prej 19 fitoreve rresht dhe krejt rastësisht do të duhet ta mposhtin pikërisht Pejën për ta barazuar rekordin e verdhezinjëve, të cilët gjatë serisë së tyre e kishin mposhtur dy herë Prishtinën.

Seria e Sigal Prishtinës ka filluar me dy ndeshjet e fituara nën udhëheqjen e dyshes Fikret Shatri-Albert Sylejmani, pasi ishte shkarkuar Marjan Ilievski, ndërsa gjatë vitit 2016 të gjitha ndeshjet janë udhëhequr nga strategu qipriot, Antonis Constantinides, i cili ende nuk e ka mësuar shijen e humbjes me Prishtinën.

Më poshtë, janë të shënuara seritë e fitoreve nga të dyja skuadrat. 

Seria e fitoreve e Pejës (21 tetor '15 - 29 janar '16)

Seria e fitoreve e Prishtinës (15 dhjetor '15 - vijon...)