Në vrap për fitore

Superderbi kosovar në basketboll ndërmjet Pejës dhe Sigal Prishtinës luhet sonte në Karagaç. Ndeshja e shumëpritur nga publiku kosovar pritet të kalojë në rivalitet të madh, derisa të dyja ekipet duan fitoren. 

Me trajnerë tjerë

Për dallim nga ndeshja e parë e zhvilluar në Prishtinë, ku Sigal Prishtina udhëhiqej nga Ceyhun Cabadak e Peja nga Danijel Lutz, tashmë gjërat kanë ndryshuar në shtab teknik. 

Peja udhëhiqet nga Boban Savovic, derisa Sigal Prishtina nga maqedonasi i famshëm, Marin Dokuzovski. Të dy kanë filluar mirë në Superligë, me fitore të thellë ndaj kundërshtarëve, derisa Savovic ka shënuar edhe debutimin në BIBL, por me humbje në xhiron e fundit. 

Takimi i kaluar

Ndeshja e kaluar kishte kaluar në emocione të jashtëzakonshme derisa drama kishte shkuar në vazhdime, për tu vendosur në 5 minutëshin shtesë të takimit. 

Sigal Prishtina kishte dominuar në çerekun e parë dhe të fundit, derisa Peja nuk e kishte lënë Prishtinën që të shënojë pikë dyshifrore në çerekët 2 dhe 3. 

Sa i përket ndeshjes së sontme, të dy skuadrat janë të rezervuara që të thonë diçka konkrete, por duhet cekur se Sigal Prishtina ka fond më të gjërë lojtarësh si dhe një të huaj më shumë. 

Lojë tjetër 

Derisa Peja bazohet te Samir Shaptahovic, Fred House, Gerti Shima e Teo Simovic, Sigal Prishtina ka 5 të huaj në ekip prej të cilëve katër startojnë ndeshjen. 

Mirëpo, i tërë ky muhabet mund të jetë krejt ndryshe - pasi që në lojë janë trajnerët e ri - të cilëve fitorja në këtë ndeshje do tu thotë shumë, si për renditje në ligë ballkanike ashtu edhe për motivim të ekipit dhe të fitojnë besimin e basketbollistëve. 

Në renditje, para xhiros së pesëmbëdhjetë të BIBL, Sigal Prishtina ka bilanc më të mirë se Peja. Ekipi i Marin Dokuzovskit ka arritur 7 fitore e 5 humbje deri më sot, derisa ai i Savovicit ka bilanc neutral 6 fitore e 6 humbje.

Si kaloi ndeshja e kaluar!? 

Rezultatet dhe tabela aktuale, para xhiros XV

BALKAN LEAGUE, Sonte: