Nënçmuam rivalin

Rron Grapci kishte paralajmëruar edhe para ndeshjes me Levskin se nuk duhet nënçmuar kundërshtari, por kjo ndodhi dhe Peja u mposht për herë të parë pas 21 ndeshjeve në të gjitha garat. 

“Nënçmuam kundërshtarin dhe kjo na kushtoi. Përkundër se u munduam të kthehemi në lojë në pjesë të dytë, nuk e arritëm. Duhet të harrojmë këtë disfatë sa më shpejtë të jetë e mundur,” ka thënë Grapci për faqen zyrtare të BIBL sot, pas disfatës së mbrëmshme të verdhezinjëve nga ekipi bullgar. 

Peja në ndeshjen e ardhshme pret Kozuvin, ndërsa aktualisht ka bilanc 0-1 në fazën e dytë grupore të BIBL.