LIPJANI - NEW BASKET
New Basket befasohet, AS Prishtina siguron Play Offin
1 April, 2021 @0:34
Skuadra prizrenase, New Basket, ka lëshuar një rast ideal për Play Off ndaj Lipjanit.
New Basketi është befasuar nga Lipjani që gjendet në pozitën e fundit, duke u mposhtur me rezultat 98-78.
Lipjani në mënyrë ekipore ka shënuar 13 herë nga vija e treshit, që luajti rolin kryesor në fitoren e tyre.
Kapiteni Fazli Vitia, si zakonisht ishte më i dalluari. Ai luajti me 28 pikë, 6 asistime e 5 kërcime, kurse u ndihmua edhe nga Besmir Nuli me 19 pikë e Arianit Kransiqi me 18 pikë të tjera.
Te New Basketi u dalluan Bardhi Rexha me 28 pikë, Hajriz Hajzeri me 15 pikë dhe Drini Rexha me 14 pikë, derisa u vërejt mungesa e lojtarit Aaron Njike i cili për momentin gjendet në Amerikë.
Lipjani me 2 ndeshje më shumë gjendet në pozitën e parafundit, kurse New Baskteti për momentin gjendet në pozitën e katërt he shpreson në humbjen e MH Prishtinës për ta ruajtur pozitën.
Me humbjen e New Basketit, AS Prishtina e siguroi Play Offin me 3 ndeshje më pak.
