Nisin stërvitjet te Peja

Kanë nisur stërvitjet te ekipi nënkampion i Kosovës, Peja, dje. Urdhërave të trajnerit të ri të skuadrës Aleksandar Todorov i janë përgjigjur të gjithë basketbollistët e fundit të huaj të angazhuar dhe të gjithë vendorët që nuk kanë obligime me përfaqësuesen e Kosovës, ka bërë të ditur klubi verdhezi përmes një njoftimi në faqen zyrtare të ekipit, kbpeja.com.

Peja këtë stinor për herë të parë do të marrë pjesë në dy gara ndërkombëtare, FIBA Europe Cup (debutim) dhe Balkan League.

Peja si objektiv për këtë stinor i ka vënë vetës trofeun e BIBL.

Peja përveç që ka vazhduar me forcat vendore të saja (largo Fisnik Rugovën dhe Drilon Hajrizin, që kanë nënshkruar me Sigal Prishtinën) ka angazhuar amerikanët Lamarcus Reed, Noah Dahlman, Theo Johnson, ukrainasit Artem Slipenchuk, Maxim Ivshyn dhe sllovenin Salih Nuhanovic.