Një gol për tri pikë nga Drenica

Skuadra e Drenicës ka shënuar fitore të rëndësishme sot në stadiumin “Bajram Aliu” në Skënderaj, duke e mposhtur Trepçën me rezultat minimal 1-0.

FORMACIONET ZYRTARE

Goli i fitores për Drenicën erdhi në minutën 14’ nga Kreshnik Uka, ndërsa rezultati do të mund të ishte edhe më i thellë po qe se drenicakët do të ishin më të vëmendshëm në rastet që i kishin.

Sidomos në pjesën e dytë, Drenica pati 3 raste mjaft të mira të shënimit.

Së pari Granit Arifaj mbeti ballë për ballë me portierin Tahiri, ku ky i fundit u tregua i pakalueshëm, ndërsa në minutën 82’ bashkëpunimi i mirë mes Arifajt dhe Ukës, bëri që Uka të jetë në pozitë të volitshme për shënim, por gjuajtja e tij shkoi mbi portë.

Në fund, edhe Taulant Dajaku pati rast të mirë nga afërsi, por as ai nuk ishte i saktë.

TABELA AKTUALE