PLAY OFF
Nuk dorëzohet Efesi
17 April, 2013 @22:59
Shpresat e Anadolu Efesit, ende nuk janë shuar për Final Four. Ata e mposhtën Olympiacosin në Turqi me rezultat 83-72. Për të arritur qëllimin skuadra turke duhet të fitojë në dy ndeshjet e mbetura, që nuk do të jetë edhe aq lehtë.
Megjithatë, në ndeshje shkëlqeu lojtari me përvojë nga NBA, Jordan Farmar, i cili luajti me 17 pikë e 5 asistime, ku u ndihmua edhe nga Semih Erdem me 15 pikë e 9 kërcime. Ndërsa në anën tjetër, u dallua Acie Law me 19 pikë.
Tani rezultati në seri është 2-1 për Olympiacosin. Ndeshja e radhës do të luhet përsëri në Stamboll me 19 prill.
REZULTATI:
| Anadolu Efes - Olympiacos | 83-72 |
