Pacers barazon serinë

Skuadra e cila e përfundoi Konferencën Lindore në pozitën e dytë, Toronto Raptors, nuk është duke e kaluar serinë aq lehtë se sa që është menduar
kundër Indiana Pacers.

Dje në palestrën, Bankers Life Fieldhouse, Indiana Pacers, arriti ta mposht kundërshtarin me rezultat 100-83, për ta barazuar serinë në 2-2.

Ian Mahinmi, luajti me 22 pikë e 10 kërcime, derisa u ndihmua edhe nga George Hill me 22 pikë të tjera.

Tek Toronto koshashënuesi më i mirë ishte lituanezi, Jonas Valanciunas me 16, derisa yjet e skuadrës, Kyle Lowry e DeMar DeRozen, mbetën larg performancës së tyre të zakonshme dhe kjo ishte arsyeja kryesore në humbjen e radhës të Toronton.

SKEMA E PLAY OFFIT

Ndeshja e pestë e serisë, do të luhet me 26 prill, në Air Canada Center të Torontos.