PEJA - FERONIKELI
Pas 3 humbjeve radhazi, Peja i kthehet fitores
28 November, 2019 @20:39
Pejanët më në fund i janë kthyer fitores. Pas tre humbjeve radhazi në Superligë, verdhezinjtë e drejtuar nga Jeronimo Sarin kanë arritur te fitorja, duke nisur furishëm ndeshjen ndaj Feronikelit dhe deri në fund nuk kanë lejuar hapësirë për befasi për të fituar duelin 107-100 [33-14, 35-21, 19-39 dhe 20-26].
Drilon Hajrizi dhe Jordan Martin kryen ndeshjen me double double sonte. Hajrizi shënoi 31 pikë (6/9 për tre pikë) e 11 kërcime, ndërsa Martin 12 pikë e 10 kërcime në fitoren e verdhezinjëve.
Në anën tjetër, te Feronikeli shkëlqeu ish lojtari i Pejës Arti Hajdari. Ai dha 34 pikë, 3 kërcime e 2 asistime. Brandon Scott dha 23 pikë, ndërsa me double-double ndeshjen e kreu Darius Huggins 11 pikë e 12 kërcime.
Pas kësaj fitoreje Peja rregullon bilancin negativ në 5-6 pas 11 ndeshjeve të zhvilluara në 13 xhirot e para. Ndërsa Feronikeli mbetet në 3 fitore, karshi 9 humbjeve që i ka nga 12 dueleve të zhvilluara në 13 xhirot e para të stinorit.