FINAL 8
Pas duelit Prishtina - Ylli, dalin në shitje biletat për gjysmëfinale të Kupës
12 February, 2020 @16:56
Organizatori i Final 8 të Kupës së Kosovës, KB Rahoveci, përmes një njoftimi në Facebook ka bërë të ditur se biletat për ndeshjet gjysmëfinale të Kupës do të dalin menjëherë pas përcaktimit të fituesit të ndeshjes Prishtina - Ylli, që është edhe dueli i fundit çerekfinal.
Çmimi i biletave për gjysmëfinale është 2.5 euro, ndërsa për finale biletat do të kushtojnë 3 euro. Ndërsa biletat do të dalin në shitje prej orës 21:00 sonte.
Deri tash gjysmëfinalen e Kupës e kanë siguruar Peja dhe Rahoveci, pasi që mposhtën rivalët çerekfinal, Prizrenin dhe Trepçën përkatësisht.
Sonte kuptohen edhe gjysmëfinalistët tjerë, pas ndeshjeve Bashkimi - Feronikeli (që po zhvillohet në këto momente) dhe Prishtina - Ylli.
Mbrojtës i trofeut të Kupës është Prishtina, që kishte fituar Rahovecin në finale, në vitin e kaluar.