ILLMEN BAJRA
Mundësi e mirë për trofe
11 February, 2020 @23:45
Trajneri më i ri në moshë i ekipeve të Superligës, Illmen Bajra, në prononcimin e tij para ndeshjes së Final 8 të Kupës së Kosovës ka thënë se Kupa është mundësi e shpejtë për të arritur te trofeu.
Bajra që në dy vitet e fundit ka festuar titullin e kampionit si ndihmës-trajner, një herë me Bashkimin dhe herën e fundit me Prishtinën, tash po kërkon si kryetrajner i Bashkimit të fitojë trofe.
“Jemi duke i njohur të gjithë kundërshtarët e mundshëm për Final 8. Besoj se synimet e skuadrës janë të arrijë sa më lartë. Duke marrë parasysh që Kupa është mundësia më e mirë dhe më e shpejtë për tu stolisur me një trofe, do të japim maksimumin për të arritur një gjë të tillë,” ka thënë Bajra në një prononcim të tijin për FBK-në para fillimit të fazës finale të Kupës.
Bashkimi do t’i vihet përballë nesër pasdite do të përballet me ekipin debutues të Superligës, Feronikelin. Ndeshja nis në ora 16:30 në Mizahir Isma, ndërsa Bashkimi nuk ka kujtime të mira nga Final 8 i vitit të kaluar, kur s’kishte arritur në katërshen më të mirë, pasi që ishte mposhtur nga rivali lokal, Prizreni.