Peja e vëmendshme në fund

Ndeshja e parë e Play Offit të luajtur në palestrën Karagaçi ndërmjet Pejës dhe Bashkimit përfundoi me fitoren e ngushtë të vendasve.

Samir Shaptahovic e nisi në mënyrën më të mirë ndeshjen duke shënuar shtatë pikët e para të skuadrës së tij, e cila krijoi epërsi deri në nëntë pikë dhe më pas e përmbylli çerekun e parë me rezultat 29-21 në të mirë të saj.

Loja e mirë e pejanëve vazhdoi edhe në çerekun e dytë, ku në këtë periudhë më së shumti u dallua qendra Teo Simovic që shënoi 13 pikë, derisa epërsia e Pejës u ngrit deri në 16 pikë (45-29).

Por në çerekun e tretë skuadra e Bashkimit ishte krejtësisht tjetër. Prizrenasit të cilët i kushtuan më shumë rëndësi mbrojtjes e ngushtuan epërsinë deri në tre pikë (71-68), mirëpo trepikëshi i Samir Shaptahovicit në sekondat e fundit të dhjetëminutëshit të tretë, i dha frymë ekipit të Pejës.

Në çerekun e katërt Bashkimi sidomos në fund me anë të Aaron Mitchellit rezistoi mjaft shumë, por vendasit të udhëhequr nga Shaptahovici fantastik u treguan më të përqëndruar deri në fund të takimit dhe arritën një fitore shumë të rëndësishme.

Koshashënuesi më i mirë në ndeshje ishte Shaptahovic me 36 pikë të shënuara, kurse në anën tjetër atij u mundua t’i afrohej Aaron Mitchell që shënoi 28 pikë.

Me këtë fitore Peja ka filluar në mënyrë pozitive serinë gjysmëfinale të Play Offit duke kaluar në epërsi 1-0, kurse Bashkimit i mbetet të mendoj për revanshin në ndeshjen e dytë të serisë që do të luhet në Prizren.

Statistikat ekipore:

	Peja	Bashkimi
Çereku 1	29	21
Çereku 2	27	24
Çereku 3	18	23
Çereku 4	30	31
Kërcime	45	24
Asistime	27	19
Bllokada	3	2
Topa të vjedhur	5	12
Topa të humbur	17	9
Tentime për tre pikë	7/18	9/26
Tentime për dy pikë	30/50	26/53
Tentime nga gjuajtjet e lira	23/30	20/28

Statistikat individuale te Peja:

1	Samir Shaptahovic	36 pikë	8 asistime	5 kërcime
2	George Odufuwa	21 pikë	15 kërcime	2 asistime
3	Teo Simovic	15 pikë	9 kërcime	2 asistime
4	Gerti Shima	13 pikë	6 kërcime	6 asistime
5	Mario Edwards	9 pikë	7 kërcime	7 asistime
6	Valdet Grapci	8 pikë	2 kërcime	2 asistime
7	Drilon Hajrizi	2 pikë

Statistikat individuale te Bashkimi:

1	Aaron Mitchell	28 pikë	8 kërcime	6 asistime
2	Zeljko Jovanovic	20 pikë	2 asistime	1 kërcim
3	Darrell Lampley	14 pikë	8 asistime	1 kërcim
4	Valentin Spaqi	13 pikë	4 kërcime	2 asistime
5	Qendrim Biraj	10 pikë	1 asistim
6	Endrit Hysenagolli	7 pikë	9 kërcime
7	Rickey Young	7 pikë	1 kërcim