PAS ANULIMIT TË STINORIT
Peja e vetmja me trofe në 2020
2 April, 2020 @20:08
Skuadra e Pejës pritet të jetë ekipi i vetëm që vitin 2020 do ta përfundojë me trofe në basketbollin kosovar.
Verdhezinjtë që iu rikthyen Superligës në fillim të stinorit 2019/20 dhe u përforcuan shumë në afatin kalimtar të janarit, triumfuan në finalen e Kupës së Kosovës duke e marrë trofeun e parë të vitit 2020.
Mirëpo, pas shpërthimit të pandemisë coronavirus, gjërat ndryshuan.
Ditë më parë FBK anuloi stinorin e Superligës 2019/20 dhe nuk ka shpallë kampion të garës.
Me këtë, s’pritet të ketë as fitues të kampionatit që rrjedhimisht do të çojë në mosorganizimin e ndeshjes së Superkupës së Kosovës, që zakonisht luhet një javë para fillimit të stinorit të ri 2020/21.
E kështu, Peja me shumë gjasa do të jetë skuadra e vetme e dalë me trofe nga ky vit.